• Зона адпачынку «Ставок»Зона адпачынку «Ставок»
  • Веткаўскі музей стараверства і беларускіх традыцый імя Ф.Р. ШкляраваВеткаўскі музей стараверства і беларускіх традыцый імя Ф.Р. Шклярава
  • Храм Праабражэння ГасподнягаХрам Праабражэння Гасподняга
  • НовабудоўліНовабудоўлі
  • Веткаўскі раённы выканаўчы камітэтВеткаўскі раённы выканаўчы камітэт
  • Прырода Веткаўскага краюПрырода Веткаўскага краю
Галоўная -  Навіны -  Навіны рэспублікі

Беларусаў запрашаюць да ўдзелу ў конкурсе сацыяльнай рэкламы ў сферы інтэлектуальнай уласнасці

22.10.2019

Дзяржаўны камітэт па навуцы і тэхналогіях і Нацыянальны цэнтр інтэлектуальнай уласнасці пры падтрымцы Сусветнай арганізацыі інтэлектуальнай уласнасці па 15 лістапада праводзяць міжнародны конкурс па стварэнні сацыяльнай рэкламы "Інтэлектуальная ўласнасць: стварай, вынаходзь, увасабляй". Такая інфармацыя размешчана на сайце Міністэрства інфармацыі.

Жадаючыя могуць запоўніць на сайце НЦІУ заяўку на ўдзел у конкурсе з прыкладаннем работы індывідуальна або ў складзе груп. Да першай катэгорыі адносяцца дзеці (да 17 гадоў уключна), дарослыя (ад 18 гадоў і старэйшыя) і індывідуальныя прадпрымальнікі, да другой - творчыя калектывы і арганізацыі.

Творчыя работы прымаюцца па трох намінацыях: "Тэкст", "Графіка" і "Відэа". У першай намінацыі арганізатары чакаюць слоганы, хэштэгі, чатырохрадкоўі. Графічная работа можа быць прадстаўлена плакатам, рысункам, калажам, коміксам. У трэцяй намінацыі спаборнічаюць відэаролікі. У перыяд правядзення конкурсу плануецца арганізацыя розных мерапрыемстваў (лекцый, майстар-класаў, кансультацый), накіраваных на яго інфармацыйнае суправаджэнне: раскрыццё мэт і задач, інфармаванне аб асноўных палажэннях інтэлектуальнай уласнасці, абмеркаванне актуальных пытанняў у гэтай сферы.

У кожнай намінацыі і ўзроставай групе прафесійнае журы вызначыць пераможцаў і прызёраў, якім будуць уручаны дыпломы, памятныя падарункі і сувеніры ад арганізатараў. Усяго прадугледжваецца разыграць дзевяць камплектаў узнагарод. Работы будзе ацэньваць прафесійнае журы, якое складаецца са спецыялістаў у галіне інтэлектуальнай уласнасці, рэкламы, у тым ліку сацыяльнай, маркетынгу, асобных сфер творчасці.

Узнагароджванне пераможцаў і прызёраў адбудзецца 11 снежня ў час мерапрыемства, прысвечанага падвядзенню вынікаў 2019 года ў сферы інтэлектуальнай уласнасці. На ім таксама будуць адзначаны ўзнагародамі Сусветнай арганізацыі інтэлектуальнай уласнасці асобы, якія ўнеслі значны ўклад у развіццё сістэмы інтэлектуальнай уласнасці.

Лепшыя тэкставыя, графічныя і відэаработы па тэме конкурсу будуць выкарыстаны ў якасці сацыяльнай рэкламы інтэлектуальнай уласнасці.

Навіны Беларусі (БЕЛТА)