• Зона адпачынку «Ставок»Зона адпачынку «Ставок»
  • Веткаўскі музей стараверства і беларускіх традыцый імя Ф.Р. ШкляраваВеткаўскі музей стараверства і беларускіх традыцый імя Ф.Р. Шклярава
  • Храм Праабражэння ГасподнягаХрам Праабражэння Гасподняга
  • НовабудоўліНовабудоўлі
  • Веткаўскі раённы выканаўчы камітэтВеткаўскі раённы выканаўчы камітэт
  • Прырода Веткаўскага краюПрырода Веткаўскага краю
Галоўная -  Навіны -  Навіны рэспублікі

Для жадаючых узвесці індывідуальнае жыллё трэба прадастаўляць комплекс будпаслуг - Кухараў

20.05.2019

Жадаючым узвесці індывідуальнае жыллё прадпрыемствы і арганізацыі галіны павінны прадаставіць комплекс будаўнічых паслуг. На гэтым акцэнтаваў увагу намеснік прэм'ер-міністра Уладзімір Кухараў у час рэспубліканскага семінара па перспектывах будаўніцтва індывідуальных жылых дамоў, які праходзіць у Гомельскай вобласці, перадае карэспандэнт БЕЛТА.

Уладзімір Кухараў адзначыў, што сёння людзі зацікаўлены ў будаўніцтве індывідуальных дамоў, попыт на зямельныя ўчасткі даволі высокі. "І наша задача - забяспечыць насельніцтва якасным і даступным жыллём, у тым ліку за кошт буйнапанэльнага домабудавання. Хуткасць будаўніцтва такіх дамоў значна вышэйшая: у сярэднім на ўзвядзенне ідзе менш як месяц", - падкрэсліў намеснік прэм'ер-міністра. Пры гэтым, паводле яго слоў, неабходна прадастаўляць комплекс будаўнічых паслуг, а таксама альтэрнатывы ўзвядзення. Гэта можа быць як будаўніцтва пад ключ, так і набыццё так званай каробкі дома з дахам, фундаментам, вокнамі і знадворнымі дзвярамі.

Удзельнікі форуму азнаёміліся з асаблівасцямі развіцця масіваў такога жылля ў паўднёва-ўсходнім рэгіёне. Стартавая кропка - квартал індывідуальнай жылой забудовы ў Брагіне. Рады з сучаснымі акуратнымі фасадамі арганічна ўпісаліся ў існуючы жылы масіў і сталі ўпрыгажэннем уезду ў райцэнтр. У 2018 годзе ў райцэнтры было пабудавана 20 такіх дамоў для маладых спецыялістаў. Першыя сем'і адзначылі наваселле ў лістападзе мінулага года. Удзельнікі семінара сустрэліся з жыльцамі.

Выпускніца Лоеўскага дзяржаўнага педагагічнага каледжа, а цяпер супрацоўнік Брагінскай сярэдняй школы Настасся сустракала гасцей разам з 2,5 гадовым сынам Маркам. "Вядома, вельмі рады, што ёсць магчымасць жыць у такім доме. І дзіця можа пагуляць у двары на свежым паветры, і самім камфортна", - падзялілася яна. Да гэтага сям'я два гады жыла ў здымнай кватэры.

Спецыялісты Гомельскага ДБК узвялі дамы плошчай 95 кв.м кожны па праекце "Шале", які ўключае тры пакоі, прасторную кухню і хол, асобную гардэробную. Генеральны дырэктар ААТ "Гомельскі ДБК" Аляксандр Ганчароў прадставіў таксама іншыя праектныя рашэнні адна- і двухпавярховых катэджаў, будаўніцтва якіх асвоена на прадпрыемстве. З 2002 года спецыялісты камбіната пабудавалі звыш 1,1 тыс. індывідуальных жылых дамоў у розных раёнах вобласці.

Галоўнай перавагай масіву індывідуальнай забудовы ў Брагіне Уладзімір Кухараў назваў размяшчэнне на свабодных участках у сектары існуючай забудовы. "Такі падыход найбольш рацыянальны. Гэта дае магчымасць сэканоміць значныя сродкі на правядзенне і ўладкаванне інжынерных сетак і камунікацый, добраўпарадкаванне і азеляненне", - сказаў ён.

У маршруце ўдзельнікаў форуму было таксама наведванне вытворчасці домабудаўнічых камбінатаў, кварталаў таўнхаусаў у Мазырскім раёне.

Цяпер будаўніцтва таўнхаусаў - адзін з варыянтаў задавальнення попыту на даступнае і камфортнае жыллё. Гэты напрамак актыўна прапрацоўваецца ў Мазырскім раёне. У першым паўгоддзі тут плануецца здаць 18 кватэр у таўнхаусах. Попыт на нерухомую маёмасць такога тыпу прадаўжае расці.

Як расказала першы намеснік старшыні камітэта па архітэктуры і будаўніцтве Гомельскага аблвыканкама Вольга Кузняцова, у вобласці ёсць больш за 5 тыс. свабодных зямельных участкаў (уключаючы ўшчыльненне існуючай жылой забудовы, у тым ліку ў невялікіх сельскіх населеных пунктах) для будаўніцтва і абслугоўвання аднакватэрных, блакіраваных жылых дамоў. У чарзе на іх атрыманне знаходзяцца 2149 чалавек, з іх 1927 - маючых патрэбу ў паляпшэнні жыллёвых умоў.

На перспектыву бліжэйшых двух гадоў пад індывідуальную забудову з канструкцый БПД у Гомельскай вобласці прапрацавана больш за 30 пляцовак пад 260 дамоў. Самыя вялікія - у Гомельскім, Рэчыцкім, Жлобінскім, Добрушскім, Буда-Кашалёўскім раёнах.

У І квартале ў рэгіёне ўведзена ў эксплуатацыю больш за 115 тыс. кв.м жылля, у тым ліку звыш 22 тыс. кв.м з дзяржпадтрымкай. Больш за 39 тыс. кв.м - у шматкватэрных жылых дамах, а таксама 76 тыс. кв.м індывідуальнага жыллёвага будаўніцтва. На 2019 год Гомельскай вобласці даведзена заданне па ўводзе ў эксплуатацыю 475 тыс. кв.м жылля.

Тэма развіцця сядзібнай забудовы не страчвае актуальнасці. У сваім Пасланні беларускаму народу і Нацыянальнаму сходу Прэзідэнт Беларусі Аляксандр Лукашэнка даручыў аказваць максімальнае садзейнічанне развіццю індывідуальнага жыллёвага будаўніцтва. Адпаведныя прапановы прапрацоўваюцца і актуалізуюцца ў аблвыканкамах.

Навіны Беларусі (БЕЛТА)