27 мая 2024

Купальны сезон толькі пачынаецца, але на вадаёмах ужо можна сустрэць не толькі рыбакоў, але і купаючыхся. Вядома, правядзенне прафілактычных рэйдаў па летніх вадаёмах актыўна набірае абароты

Лічбы статыстыкі

Паводле аператыўных звестак Гомельскай абласной арганізацыі АСВОД з пачатку года ў вобласці патанула 16 чалавек. Апошняя гібель адбылася 18 мая. У суботу ўвечары ў возеры Клімкова ў аг. Камунар Буда-Кашалёўскага раёна патануў 48-гадовы мужчына. Абставіны здарэння высвятляюць спецыялісты.

Выратавальная камізэлька - спадарожнік на вадзе

Рыбалка на лодцы - гэта займальны занятак, якi прыносіць радасць і задавальненне. Аднак, як і любы іншы занятак на вадзе, ён не пазбаўлены пэўных рызык. Галоўны аргумент на карысць нашэння выратавальнай камізэлькі - гэта забеспячэнне бяспекі. Няшчасныя выпадкі раптоўныя, і выратавальная камізэлька можа стаць вырашальным фактарам паміж жыццём і смерцю. Нават дасведчаныя рыбакі могуць сутыкнуцца з нечаканымі абставінамі на вадзе: змяненне надвор'я, моцныя плыні або паломка лодкі.

Навучыце дзяцей плаваць

Галоўныя правілы - ніколі не пакідайце дзяцей без нагляду, забараніце самастойна хадзіць купацца. Дзеці часта могуць быць занадта самаўпэўненымі і неўсвядомлена рызыкаваць сваёй бяспекай. Важна навучыць сваё дзіця плаваць не для таго, каб яно потым самастойна хадзіла купацца, а для таго, каб ваша дзіця было гатова да магчымых небяспек на вадзе: страта раўнавагі, стома або трапленне ў плынь. Бацькі ўсё роўна заўсёды павінны знаходзіцца паблізу, каб аператыўна адрэагаваць на экстраную сітуацыю.

Важна памятаць, што нават дасведчаныя плыўцы могуць сутыкнуцца з небяспечнымі сітуацыямі на вадзе, таму варта заўсёды быць асцярожнымi і пільнымі. Адпачынак на спецыяльна абсталяваных пляжах і выкананне правілаў бяспекі дапаможа пазбегнуць трагедый і захаваць здароўе.