Натарыусы Беларусі 15 сакавіка будуць кансультаваць бясплатна

10 сакавіка, Мінск /Кар. БЕЛТА/. Натарыусы 15 сакавіка будуць кансультаваць бясплатна. Удзел у рэспубліканскай дабрачыннай акцыі, прымеркаванай да святкавання Дня Канстытуцыі Беларусі, прымуць усе натарыяльныя канторы і натарыяльныя бюро краіны, паведаміў БЕЛТА памочнік старшыні Беларускай натарыяльнай палаты Артур Стрэх.

Грамадзяне і прадстаўнікі юрыдычных асоб могуць атрымаць адказы на пытанні, якія ўваходзяць у кампетэнцыю натарыуса. У прыватнасці, размова ідзе аб афармленні спадчынных правоў, складанні завяшчанняў, шлюбных дагавораў, адчужэнні нерухомай маёмасці, ажыццяўленні выканаўчых надпісаў, прадастаўленні электронных дакументаў для дзяржаўнай рэгістрацыі юрыдычных асоб або індывідуальных прадпрымальнікаў або ўнясення змяненняў у статут (устаноўчы дагавор) натарыусам, забеспячэнні пісьмовых доказаў.

Поўны спіс натарыяльных кантор і натарыяльных бюро, а таксама час іх работы можна ўдакладніць на сайце Беларускай натарыяльнай палаты ў раздзеле "Знайсці натарыуса".