5 лістапада 2019
Сетка платных дарог у Беларусі будзе пашырана з 1 снежня
З 1 снежня 2019 года пры рэалізацыі доўгатэрміновай праграмы ўрада па пашырэнні сеткі платных дарог у Беларусі іх працягласць будзе павялічана за кошт далучэння новага ўчастка. Такая інфармацыя размешчана на сайце сістэмы электроннага збору платы за праезд у Беларусі, паведамляе БЕЛТА.
"Новы этап пашырэння сеткі платных дарог прадугледжвае ўключэнне ў сістэму BelToll дадаткова 62 км беларускіх дарог на ўчастку аўтамабільнай дарогі М6/Е 28 Мінск - Гродна - граніца Рэспублікі Польшча (Брузгі) (ад 134-га да 196-га км)", - гаворыцца ў паведамленні.
Канчатковая працягласць сеткі платных дарог у рэспубліцы складзе 1787 км.