Цёплае надвор'е на бягучым тыдні пасадзейнічае развіццю кукурузы і агародніны - Белгідрамет

Цёплае надвор'е на бягучым тыдні пасадзейнічае развіццю кукурузы і агародніны, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

"Аграметэаралагічныя ўмовы на бягучым тыдні дадуць магчымасць падтрымліваць добрыя тэмпы ўборачных работ. Дастатковая забяспечанасць вільгаццю на большай частцы тэрыторыі краіны на фоне цёплага надвор'я будзе садзейнічаць росту і развіццю караняплодаў, кукурузы і агародніны", - сказалі ў Белгідрамеце.

Дажджы, якія прайшлі ў апошняй дэкадзе ліпеня, падтрымлівалі дастатковыя запасы вільгаці ў глебе на большай частцы тэрыторыі Беларусі. У многіх раёнах паўднёва-заходняй часткі краіны ападкаў выпала не больш за трэць дэкаднай нормы, таму тут запасы вільгаці знізіліся.

У шэрагу раёнаў Гродзенскай, Брэсцкай і Гомельскай абласцей, а таксама на крайнім паўднёвым захадзе Віцебскай вобласці колькасць карыснай вільгаці ў глебе пад сельскагаспадарчымі культурамі аказалася нізкай. Дажджы ў канцы ліпеня месцамі папоўнілі запасы вільгаці ў гэтых раёнах.-0-