На выкананне падпраграмы "Сям'я і дзяцінства" Дзяржаўнай праграмы "Здароўе народа і дэмаграфічная бяспека Рэспублікі Беларусь" на 2021-2025 гады з 1 жніўня 2024 года будзе ажыццяўляцца выплата аднаразовай матэрыяльнай дапамогі да школы ў памеры 30 працэнтаў бюджэту пражытачнага мінімуму ў сярэднім на душу насельніцтва, які дзейнічае на 1 жніўня каляндарнага года. Гэты від дапамогі выплачваецца са сродкаў мясцовага бюджэту шматдзетным сем'ям, на кожнага навучэнца, які навучаецца ва ўстановах агульнай сярэдняй і спецыяльнай адукацыі (на ўзроўні агульнай сярэдняй адукацыі) у Рэспубліцы Беларусь.

Аднаразовая матэрыяльная дапамога шматдзетным сем'ям выплачваецца:

аднаму з бацькоў у поўнай сям'і (маці (мачасе) або бацьку (айчыму), аднаму з бацькоў у няпоўнай сям'і;

усынавіцелю (удачарыцелю);

У складзе сям'і не ўлічваюцца прыёмныя дзеці і дзеці, якія знаходзяцца пад апекай.

Выплата матэрыяльнай дапамогі ў рамках дзяржаўнай праграмы не распаўсюджваецца на "сямейныя" формы ўладкавання дзяцей-сірот і дзяцей, якія засталіся без апекі бацькоў (прыёмныя і апякунскія сем'і, дзіцячыя дамы сямейнага тыпу), утрыманне дзяцей у якіх забяспечваецца з дзяржаўнага бюджэту пры дапамозе штомесячных грашовых выплат іх апекунам (папячыцелям).

Не ажыццяўляецца выплата гэтай дапамогі на дзяцей, якія навучаюцца ў прафесійна-тэхнічных, вышэйшых і сярэдніх спецыяльных навучальных установах і іншых установах па падрыхтоўцы кадраў, а таксама дзецям, якія знаходзяцца на поўным дзяржаўным забеспячэнні.

Для падачы заявы шматдзетным сем'ям раёна неабходна звяртацца ў дзяржаўную ўстанову "Цэнтр сацыяльнага абслугоўвання насельніцтва Веткаўскага раёна" па адрасе: г. Ветка, вул. Першамайская 11, 2 эт., каб.8.

Час работы: панядзелак - пятніца з 8.00 да 17.00, абедзенны перапынак з 13.00 да 14.00.

Пералік дакументаў для атрымання аднаразовай матэрыяльнай дапамогі для падрыхтоўкі да 2024/2025 навучальнага года:

-заява аднаго з бацькоў (запаўняецца на месцы);

-выпіска з адзінага базавага рахунку, адкрытага ў ААТ ААБ "Беларусбанк" заяўніка, на які будуць пералічвацца грашовыя сродкі;

-даведка з установы адукацыі аб тым, што дзіця з'яўляецца навучэнцам школы (з указаннем класа на 01.09.2024 года). Заяўнікам, чые дзеці ідуць у 1, 10, 11 класы, неабходна прадставіць даведку аб залічэнні дзіцяці ва ўстанову адукацыі;

-арыгінал і ксеракопія пасведчання шматдзетнай сям'і (пры адсутнасці даведку аб складзе сям'і і пасведчанні аб нараджэнні ўсіх непаўналетніх дзяцей);

-арыгінал і ксеракопія пасведчання аб нараджэнні (навучэнцаў) непаўналетніх дзяцей, пасведчанне аб устанаўленні бацькоўства (калі такое ёсць);

-арыгінал пашпарта абодвух бацькоў.

Атрымаць кансультацыю аб прадастаўленні аднаразовай матэрыяльнай дапамогі да школы можна па тэлефоне: 8 (02330) 4 27 90 у дзяржаўнай установе "Цэнтр сацыяльнага абслугоўвання насельніцтва Веткаўскага раёна".