Афрыканская чума свіней (АЧС) – асабліва небяспечная высокакантагіёзная вірусная хвароба хатніх і дзікіх свіней, якая характарызуецца хуткім распаўсюджваннем, высокай ступенню смяротнасці.

Гіне да 100% хворых свіней.

Афрыканская чума свіней не ўяўляе небяспекі для здароўя людзей.

Лекавыя сродкі для прафілактыкі і лячэння АЧС адсутнічаюць.

Крыніцай хваробы з'яўляюцца хворыя свінні, якія вылучаюць вірус з мачой, калам, выдзяленнямі з носа і іншымі выдзяленнямі.

Перадача захворвання здаровай жывёлай можа ажыццяўляцца праз заражаныя вірусам корм, подсціл, гной, трупы і прадукты забою жывёл (мяса, мясапрадукты, кроў).

Клінічныя прыкметы захворвання. Ад заражэння да з'яўлення клінічных прыкмет праходзіць 5-10 дзён. У жывёл павышаецца тэмпература цела да 42°C, з'яўляюцца дыхавіца, кашаль, знікае апетыт, узмацняецца смага, адзначаюцца прыступы ванітаў і паралічу задніх канечнасцяў, на скуры ўнутранай паверхні сцёгнаў, на жываце, шыі, у падставы вушэй, на пятачку і хвасце становяцца прыкметныя чырвона-фіялетавыя плямы.

Смерць надыходзіць на 1-5 дзень, радзей пазней.

Каб пазбегнуць узнікнення і распаўсюджвання афрыканскай чумы свіней неабходна выконваць наступныя меры:

• праводзіць штодзённы агляд свіней з мэтай своечасовага выяўлення магчымага захворвання жывёл;
• не скормліваць свінням харчовыя адходы і адходы, атрыманыя пасля забою свіней, вырабляць утылізацыю адходаў ва ўстаноўленых месцах;
• не набываць кормы і кармавыя дабаўкі невядомага паходжання ў неўстаноўленых гандлёвых месцах (абавязковыя наяўнасць дакументаў, якія пацвярджаюць паходжанне і бяспеку кармоў, наяўнасць дазволу на гандаль і г.д.);
• не набываць жывых свіней, мяса і мясапрадукты ў неўстаноўленых гандлёвых кропках, без ветэрынарных суправаджаючых дакументаў;
• не дапускаць наведвання асабістых падворкаў староннімі асобамі;
• пастаянна весці барацьбу з грызунамі;
• не завозіць свіней без узгаднення з Дзяржаўнай ветэрынарнай службай раёна;
• пры выяўленні прыкмет захворвання, гiбелi, змушанага забою жывёл на тэрыторыі горада тэрмінова інфармаваць дзяржаўную ветэрынарную службу горада.