У адпаведнасці з падрыхтаванымі тэрытарыяльнымі органамі Мінпрыроды і зацверджанымі мясцовымі выканаўчымі і распарадчымі органамі планамі мерапрыемстваў па абмежаванні распаўсюджвання і колькасці інвазіўных чужародных раслін на бягучы год у Гомельскай вобласці пачата правядзенне работ па знішчэнні папуляцый баршчэўніка Сасноўскага.

Даведачна. Баршчэўнік Сасноўскага – гэта агрэсіўная чужародная расліна, якая актыўна выцясняе мясцовую флору ў месцах свайго росту. Акрамя шкоды біялагічнай разнастайнасці, баршчэўнік уяўляе сур'ёзную пагрозу для жыцця і здароўя людзей. Сок баршчэўніка пры трапленні на скуру пад уздзеяннем сонечнага святла выклікае сур'ёзныя хімічныя апёкі.

Баршчэўнік Саноўскага, як і іншыя віды баршчэўнікаў, уключаны ў Пералік відаў раслін, распаўсюджванне і колькасць якіх падлягаюць рэгуляванню, зацверджаны пастановай Савета Міністраў Рэспублікі Беларусь ад 07.12.2016 №1002 "Аб некаторых пытаннях рэгулявання распаўсюджвання і колькасці відаў раслін".

Згодна з артыкулам 26 Закона Рэспублікі Беларусь "Аб раслінным свеце" карыстальнікі зямельных участкаў у галіне абыходжання з аб'ектамі расліннага свету абавязаны ажыццяўляць у выпадках і парадку, устаноўленых заканадаўствам, работы па рэгуляванні распаўсюджвання і колькасці інвазіўных відаў раслін.

У Веткаўскім раёне зарэгістравана 15 месцаў вырастання баршчэўніка Сасноўскага (6 землекарыстальнікаў) на агульнай плошчы 2,435 га.

Спосабы барацьбы з баршчэўнікам і іншымі інвазіўнымі раслінамі апісаны ў тэхнічным кодэксе ўстаноўленай практыкі ТКП 17.05-03-2020 (33140) "Патрабаванні да правядзення работ па абмежаванні распаўсюджвання і колькасці інвазіўных раслін (баршчэўніка Сасноўскага, сумніка канадскага, эхінацыстыса лопасцевага і іншых інвазіўных раслін) рознымі метадамі".

Найбольш эфектыўным метадам барацьбы з буйнымі папуляцыямі з'яўляецца апрацоўка ўсходаў раслін гербіцыдамі, якую варта праводзіць пры вышыні ўсходаў 20-30 см вясной або пасля чарговага пакосу і адрастання расліны. Як правіла, апрацоўка месцаў вырастання баршчэўніка праводзіцца два разы на год: у маі па меры з'яўлення новых усходаў, а таксама ў жніўні, паўторна на тэрыторыях, на якіх першасная апрацоўка была недастаткова эфектыўнай.

Для адзінкавых раслін баршчэўніка дзейсным спосабам з'яўляецца падразанне сцяблекарэння вострай рыдлёўкай ніжэй "макушкі" з парасткамі (на глыбіні 10–15 см ніжэй паверхні зямлі). Карані баршчэўніка могуць сыходзіць у глебу да глыбіні двух метраў, але асноўная іх частка знаходзіцца ў найблізкім да паверхні трыццацісантыметровым пласце глебы. Увесь корань выкопваць няма сэнсу, бо пасля выдалення "макушкі" ад пакінутых у глебе каранёў новыя парасткі не з'явяцца.

Работы па барацьбе з баршчэўнікам праводзяцца землекарыстальнікамі за кошт уласных сродкаў.

Для аказання дапамогі ў барацьбе з інвазіўнымі раслінамі, якія растуць на землях агульнага карыстання населеных пунктаў і сельскагаспадарчых землях прадпрыемстваў камунальнай формы ўласнасці, з абласнога бюджэту ў 2024 г. выдзелена каля 137 тыс. рублёў.

Цяпер тэрытарыяльнымі органамі Мінпрыроды праводзяцца кантрольныя мерапрыемствы па месцах росту баршчэўніка. У выпадак выяўлення вегетуючых раслін землекарыстальнікам выдаюцца абавязковыя для выканання прадпісанні па неадкладным прыняцці мер па рэгуляванні яго распаўсюджвання і колькасці.

З улікам прымаемых мер і адыходу ад практыкі выкошвання раслін да апрацоўкі баршчэўніка гербіцыдамі, за апошнія 5 гадоў у Гомельскай вобласці плошча распаўсюджвання інвазіўнай расліны знізілася на 65 га.

Чаканае зніжэнне плошчы распаўсюджвання баршчэўніка Сасноўскага па выніках бягучага года складае не менш за 10 га або 30%, ад улічанай плошчы на пачатак года. Асноўны ўпор будзе зроблены на поўную ліквідацыю малых папуляцый гэтай расліны.