Летась у красавіку антыфашысцкі форум у Мінску сабраў прадстаўнікоў 50 краін. У лістападзе аналагічнае абласное мерапрыемства адбылося ў Гомелі. Колькі ўсяго беларускіх гарадоў уключылася за гэты час у барацьбу з фашызмам, лічыць і варажыць не трэба — практычна ўсё!
Галоўная тэма сустрэч і размоў: вялікі подзвіг савецкага салдата, усенароднае супраціўленне ворагу на тэрыторыі Беларусі, шматлікія факты зверства фашыстаў на акупаванай тэрыторыі, спробы Захаду перапісаць гісторыю, патуранне і нават падтрымка неанацысцкіх рухаў у сучаснай Еўропе.
У Беларусі заходнія сцэнары не пройдуць: народ нашай краіны не забудзе пра тую страшную вайну і не дазволіць з'явіцца нават парастку фашызму на нашай зямлі. Пра гэта казалі ў Ветцы начальнік аддзела ідэалагічнай працы і па справах моладзі райвыканкама Леанід Здунюк, пракурор Веткаўскага раёна Сяргей Сініцкі, настаўнік гісторыі гарадской школы Анжэла Нікаліна, намеснік начальніка РАУС Дзмітрый Сыравацкі і першы сакратар райкама Камуністычнай партыі Беларусі Вадзім Гаўрылаў. У залі таксама сабраліся жыхары раёна і школьнікі.