На пляцоўцы "Чыжоўка-Арэны" завяршыўся фінальны турнір рэспубліканскіх спаборніцтваў сярод дзяцей і падлеткаў па хакеі "Залатая шайба" на прызы Прэзідэнта Рэспублікі Беларусь у старэйшай узроставай групе дывізіёне "Б", паведамляе карэспандэнт БЕЛТА.

Удзел у рэспубліканскім этапе прынялі хакеісты 2008-2009 гадоў нараджэння з гарадоў і раёнаў краіны, дзе няма крытых лядовых арэн. Пяць каманд-фіналістаў вызначылі мацнейшых у кругавым турніры. Першы радок па выніках трох дзён спаборніцтваў занялі "Вогненныя рысі", якія прадстаўляюць Гомельскі раён. Жыхары поўдня абыгралі "Дзвіну" з Верхнядзвінска (10:3), "Кадзінскіх ільвоў" з Магілёўскага раёна (4:3) і шчучынскіх "Арлянят" (4:3), а таксама ўступілі "Вілейскім шчупакам" (3:4). На другой пазіцыі размясціліся "Кадзінскія львы", у актыве якіх дзве перамогі ў чатырох матчах, тройку лепшых замкнулі "Арляняты".

Раней у сакавіку адбыліся рэспубліканскія фіналы ў дывізіёне "А" - і ў старэйшай, і ў малодшай узроставай групе золата заваявалі хакеісты сталічнага "Лакаматыва". Сезон "Залатой шайбы" завершыць фінальны турнір у малодшай катэгорыі дывізіёна "Б", які пройдзе ў Мінску з 27 па 29 сакавіка.

БелТА